ਕਿੱਥੇ ਹੋ?

ਕਿੱਥੇ ਹੋ?

ਕੋਲ ਈ ਹੋ,

ਕੂੰਦੇ ਨਹੀਂ?

ਕੂੰਦੇ ਹੋ ਪਰ ਕੰਨੀਂ ਸਾਦ ਸੁਣੇਂਦੀ ਨਹੀਂ।

ਕਿੱਥੇ ਹੋ?

ਕੋਲ ਈ ਹੋ,

ਦਿੱਸਦੇ ਨਹੀਂ?

ਦਿੱਸਦੇ ਹੋ ਪਰ ਸੂਰਤ ਨੈਣ ਵਸੇਂਦੀ ਨਹੀਂ।

ਕਿੱਥੇ ਹੋ?

ਕੋਲ ਈ ਹੋ,

ਮਿਲਦੇ ਨਹੀਂ?

ਮਿਲਦੇ ਹੋ ਪਰ ਤਨ ਨੂੰ ਦੇਹ ਲਪੇਟਦੀ ਨਹੀਂ।

ਕਿੱਥੇ ਹੋ, ਮੇਰੇ ਸੋਹਣੇ ਸਾਈਂ।

ਕੋਲ ਈ ਹੋ, ਮੇਰੇ ਪਿਆਰੇ ਸਾਈਂ।

ਹੋ ਕੋਲ ਈ ਪਰ ਤੜਫ਼ ਮਿਲਨ ਦੀ ਸੰਭੇਲਦਿਆਂ ਸੰਭਲਦੀ ਨਹੀਂ।

- ਭਾਈ ਵੀਰ ਸਿੰਘ ਜੀ।

ਅੰਮਬਰਸਰੀਆ

ਅੰਮਬਰਸਰੀਆ 

ਗਲੀ ਵਿੱਚ ਮਾਰੇ ਗੇੜੇ 
ਆਉਣ ਨੂੰ ਫਿਰਦਾ ਈ ਨੇੜੇ 
ਕਦੇ ਪਰਖਦਾ ਨੈਣ ਮੇਰੇ ਤੂੰ 
ਕਦੇ ਪਰਖਦਾ ਏਂ ਤੋਰ 

ਅੰਮਬਰਸਰੀਆ ਮੁੰਡਿਆ ਵੇ 
ਕੱਚੀਆਂ ਕਲੀਆਂ ਨਾ ਤੋੜ 
ਤੇਰੀ ਮਾਂ ਨੇ ਬੋਲੇ ਵੇ ਸਾਨੂੰ 
ਮੰਦੜੇ ਨੇ ਬੋਲ 

ਮੈਂ ਕਲੀਆਂ ਦੇ ਵਾਂਗਜ 
ਮੇਰੀ ਅੱਲ੍ਹੜ ਉਮਰ ਨਿਆਣੀ 
ਨਿੱਕੀ ਜਿੰਨੀ ਜਿੰਦ ਮੇਰੀ ਇਹ 
ਜੋਬਨ ਹੜ੍ਹ੍ ਦਾ ਪਾਣੀ 
ਜਦੋਂ ਦੀ ਚੜੀ ਜਵਾਨੀ 
ਢੂੰਢ ਦੀ ਦਿਲ ਦਾ ਜਾਨੀ 
ਮੈਂ ਅੰਤਾਂ ਨੂੰ ਵੇ 
ਪਾਣੀ ਲੈ ਨਾ ਜਾਵੇ ਰੋੜ

ਅੰਮਬਰਸਰੀਆ ਮੁੰਡਿਆ ਵੇ 
ਕੱਚੀਆਂ ਕਲੀਆਂ ਨਾ ਤੋੜ